புதிய ரயில் விதிகள் குறித்து சமூக ஊடகங்களில் பரவும் செய்தி உண்மையா?

இந்திய ரயில்வே ஜூலை 1 முதல் பயணிகளின் நலனுக்காக 10 புதிய விதிகளை அறிமுகப்படுத்தியுள்ளதாக சமூக வலைத்தளங்களில் ஒரு செய்தி பரவி வருகிறது.
அதில், ‘காத்திருப்பு பட்டியலில் உள்ளோருக்கு தொல்லை இன்றி ரயில்வேயால் இயக்கப்படும் சுவிதா ரயில்களில் உறுதி செய்யப்பட்ட டிக்கெட்டுகள் வழங்குவது, தத்கல் டிக்கெட்டை ரத்து செய்தால் 50 சதவீதத் தொகை திருப்பி அளிப்பது, இலக்கு எச்சரிக்கை, Wakeup Call-destination Alert வசதி போன்ற பல அம்சங்களை இந்திய ரயில்வே ஜூலை 1 முதல் அறிமுகப்படுத்த போவதாக குறிப்பிடப்பட்டுள்ளது.
ஆனால், கடந்த 2015-ம் ஆண்டு முதல் சமூக வலைதளங்களில் இதே செய்தி பரவி வருகிறது. இந்த செய்தியில் இடம்பெற்றுள்ள எந்த ஒரு விதிகளும் அமலுக்கு வராது என்றும், இந்த செய்தி ஆதாரமற்றது என்றும் இந்திய ரயில்வே பலமுறை தெளிவுப்படுத்தியுள்ளது.