இந்து பெண்கள் ஏன் முஸ்லீம் ஆண்களிடம் மோகம் கொள்கிறார்கள் என்ற தலைப்புடன் ABP News செய்தி வெளியிட்டதா?

X தளத்தில் பகிரப்பட்ட இந்த செய்தி உண்மைதானா என்று ஆராய்ந்து பார்த்தபோது, ABP news இது போன்ற ஒரு செய்தியை அதன் அதிகாரப்பூர்வ  இணையதளத்திலோ அல்லது x தளத்திலோ  வெளியிடவில்லை என்பது உறுதியானது. 

இதை பற்றி மேலும் ஆராய்ந்து பார்த்தபோது, இது போலியானது என்றும், செயற்கையாக AI தொழில் நுட்பத்தை பயன்படுத்தி உருவாக்கப்பட்டது என்றும்  உண்மை சரிபார்க்கும் செய்தி நிறுவனமான BOOM கண்டறிந்தது செய்தி வெளியிட்டுள்ளது  தெரியவந்தது.

ட்ரூமீடியாவின் AI டிடெக்டர் கருவியைப் பயன்படுத்தி, பகிரப்பட்ட இந்த புகைப்படம், AI மூலம் உருவாக்கபட்டது என்பதை Boom செய்தி நிறுவனம் உறுதிப்படுத்தி தனது இணையதளதில் செய்தி வெளியிட்டுள்ளது.

இந்த புகைப்படத்தில்  பயன்படுத்தப்பட்ட எழுத்துக்கள் ABP News எப்போதும் பயன்படுத்தும் எழுத்துருவுடன் பொருந்தவில்லை என்றும் போலியான அந்த கிராபிக்ஸ் படத்தை தாங்கள் வெளியிடவில்லை என்றும் ABP news சேனல் தெளிவுப்படுத்தியுள்ளது என்றும் அந்நிறுவனம் செய்தி வெளியிட்டுள்ளது.