Fact Check: பாரிஸ் ஈபில் டவர் மீதான தாக்குதலைச் சித்தரிக்கும் வீடியோ உண்மையா?

Claim

ஜூன் 27 அன்று 17 வயதான நேஹால் மெர்சூக் என்ற சிறுவன் ஒரு போலீஸ் அதிகாரியால் சுட்டுக் கொல்லப்பட்டதைத் தொடர்ந்து பிரான்சில் எதிர்ப்புகள் மற்றும் அமைதியில்லாத சூழல் நிலவுகிறது.  200க்கும் மேற்பட்ட பிரான்ஸ் நகரங்கள் வன்முறை ஆர்ப்பாட்டங்களால் பாதிக்கப்பட்டுள்ளன. சமீபத்தில் பிரான்சில் இருக்கும் அமைதியற்ற சூழலில், பிரான்ஸின் தலைநகர் ‘இறந்து கொண்டிருக்கிறது’ என்ற தலைப்பில் பாரிஸ் நகரத்தில் கலவரத்தை காட்டும் வீடியோ சமூக ஊடகங்களில் பரவலாகப் பகிரப்பட்டு வருகிறது.  அதில், ஈபில் கோபுரம் தாக்கப்படுவது போலவும்  அந்த வீடியோவில் அமைந்துள்ளது.

ஈபெல் டவர் முன் நின்று ஒரு பெண் செல்பி எடுப்பது போல் தொடங்கும் அந்த வைரல் வீடியோவில், திடீரென்று ஈபில் டவரை குறிவைத்து  வெடிகுண்டு தாக்குதல் ஏற்படுவது போலவும், அதன் அதிர்ச்சியில் அந்தப்  பெண் அங்கிருந்து தப்பி ஓடுவது போலும், அதைத் தொடர்ந்து அங்கு அதிக குண்டு வெடிப்புகள் நிகழ்வது போல காட்சிகள் உள்ளது. அதோடு, ஜெட் விமானங்கள் அங்கு பறந்து செல்வதும், வீடியோவின் பின்னணியில் சைரன் சத்தம் கேட்பது போலவும் காணப் படுகிறது.