- GeneralVideosViral Check
- November 22, 2023
- No Comment
Fact Check: உலகக் கோப்பை கிரிக்கெட் போட்டி பரிசு வழங்கும் விழாவில் பிரதமர் மோடி பாட் கம்மின்ஸை புறக்கணித்தாரா?
Claim:
ஐசிசி உலகக் கோப்பை 2023 வழங்கும் விழாவின் போது பிரதமர் நரேந்திர மோடி ஆஸ்திரேலிய கிரிக்கெட் அணியின் கேப்டன் பாட் கம்மின்ஸை புறக்கணித்த காட்சிகள் என சமூக ஊடகங்களில் வீடியோ ஒன்று பகிரப்பட்டு வருகிறது. நவம்பர் 19, 2023 அன்று ஐசிசி உலகக் கோப்பை இறுதிப் போட்டியில் இந்தியாவுக்கு எதிரான ஆஸ்திரேலியாவின் வெற்றிக்குப் பிறகு, உலகக் கோப்பை வழங்கும் விழா மேடையில் பிரதமர் நரேந்திர மோடி பேட் கம்மின்ஸைப் புறக்கணித்ததாகக் கூறி அந்த வீடியோ பகிரப்பட்டு வருகிறது.
இந்தியா வந்திருக்கும் விருந்தினரை மதிக்காத மோசமான நாடு என்று நிரூபித்தது! என்று ஒரு வீடியோவை x பதிவாளர் பதிவிட்டிருந்தார். இந்த வீடியோ நான்கு லட்சத்திருக்கும் மேலான பார்வைகளைப் பெற்றது.
உண்மை என்ன?
வைரலாக பரவி வரும் இந்தக் கூற்று உண்மையா? என்று அதிகாரப்பூர்வ சமூக வலைதளங்களில் தேடிய போது, ANI நிறுவனம் தனது X பக்கத்தில் அகமதாபாத்தில் இந்தியாவுக்கு எதிரான வெற்றிக்குப் பிறகு, பிரதமர் நரேந்திர மோடி, ஆஸ்திரேலிய துணைப் பிரதமர் ரிச்சர்ட் மார்லஸ் உடன் இணைந்து ஐசிசி ஆடவர் உலகக் கோப்பை 2023 கோப்பையை ஆஸ்திரேலிய கேப்டன் பாட் கம்மின்ஸிடம் வழங்கிய புகைபடங்களைப் பதிவிட்டிருந்தது தெரியவந்தது.
Prime Minister Narendra Modi along with Australian Deputy Prime Minister Richard Marles handed the ICC Men's Cricket World Cup 2023 trophy to Australian captain Pat Cummins after their win against India in Ahmedabad
— ANI (@ANI) November 19, 2023
Pic Source: ANI Photos pic.twitter.com/E4T3twcyHf
மேலும், வீடியோ பதிவு பற்றி தேடியபோது, எடிட் செய்யப்படாத முழு வீடியோவை ஒரு x பயனர் தனது பக்கதில் பகிர்ந்துள்ளார்.
This is the unedited clip! pic.twitter.com/xUgVJTLSTV
— Abhinav Prakash (@Abhina_Prakash) November 19, 2023
அதில், பிரதமர் மோடியும், ரிச்சர்ட் மார்லஸும் கேபடன் பாட் கம்மின்ஸுக்கு வெற்றிக்கோப்பையை மேடையில் வழங்கிவிட்டு, ஆஸ்திரேலிய அணி வீரர்களுக்கு வாழ்த்து தெரிவிக்க ஆஸ்திரேலிய துணைப் பிரதமருடன் மோடி மேடையை விட்டு கீழே இறங்கி செல்கிறார். அங்கு நின்று கொண்டிருக்கும் ஆஸ்திரேலிய அணி வீரர்களுக்கு கைகுலுக்கி வாழ்த்து தெரிவித்து அங்கிருந்து செல்வதாக முழு வீடியோவில் தெளிவாகியுள்ளது.
ஆனால், மோடியை சந்தித்துவிட்டு ஆஸ்திரேலிய வீரர்கள் மேடைக்கு வர சற்றும் நேரமானதால், பாட் கம்மின்ஸ் அவர்கள் வருகைக்காக காத்திருந்திருக்கிறார். இதுவே கட் செய்யப்பட்ட வீடியோவில் காட்டப்பட்டுள்ளது தெரியவந்துள்ளது. அதுமட்டுமின்றி, ஐசிசி உலகக்கோப்பை 2023 விழாவில் நரேந்திர மோடி பாட் கம்மின்ஸை புறக்கணித்ததாக எந்த செய்தியும் வெளிவரவில்லை.
மதிப்பீடு:
இதிலிருந்து சமூக வலை தளங்களில் பரவி வரும் இந்த வைரல் வீடியோ எடிட் செய்யப்பட்டு போலி கூற்றுடன் பரவப்பட்டது என்பது தெரியவந்துள்ளது. பிரதமர் மோடி ஆஸ்ட்ரேலியா கிரிக்கெட் கேப்டன் பாட் கம்மின்ஸை புறக்கணிக்கவில்லை என்பது தெரியவந்துள்ளது. எனவே, இதை உண்மை என்று நம்பி யாரும் பகிர வேண்டாம் என்று கேட்டுக்கொள்கிறோம்.
