சூரிய ஒளியில் புல் தரையில் நடந்தால் கண் எரிச்சல் பிரச்சனை சரியாகிவிடுமா?

இது குறித்து நாம் ஆராய்ந்தபோது, இதற்கு எந்த ஒரு அறிவியல் ஆதாரமும் இல்லை என்று தெரிய வந்துள்ளது. இது சம்பந்தமாக திருவண்ணாமலையைச் சேர்ந்த கண் மருத்துவர் சரயு காயத்திரி தனது முகநூல் பக்கத்தில் தெளிவான விளக்கம் அளித்துள்ளார்.

அதில், இந்த காணொளியில் கம்ப்யூட்டரில் வேலை செய்வதால் ஏற்படும் கண் வறட்சிக்கு, புல்லில் நடப்பதால் அதில் இருக்கும் பச்சை நிறமி(chlorophyll), கண்ணுக்கு ஏறிவிடும் என்று சொல்கிறார்கள்.

விளக்கம் இதோ:

கம்ப்யூட்டரில் வேலை செய்வதால் ஏற்படும் கண் தொந்தரவுகள் (computer eye syndrome).
இப்பாதிப்பு எதனால் ஏற்படுகிறது?
கண்களை மிகவும் கிட்டத்தில் வெகுநேரம் இமைக்காமல் பார்ப்பதால்.
1. கண்ணீர் வறண்டு கண் எரிச்சல் கொடுக்கும். நீர் வழியும்.
2. கண் தசைகள் தொடர்ந்து வேலை செய்வதால் வலுவிழக்கும் – Eye strain.
3. கண்விழி தனது வடிவத்தில் மாறி சிலிண்டர் பவர் கண்ணில் ஏறும். – (Cylinder power).
4. மேலும் கம்ப்யூட்டர் திரையில் இருந்து வரும் ப்ளூ லைட்(blue light) என்பது அலைவரிசை குறைவான (<450 nm) வெளிச்சமாகும். இது கண் நரம்பு மைய புள்ளியை(Macula) தாக்கும். – Macular degeneration.
இங்குதான் ராடுகள் மற்றும் கோன்கள் (rods and cones) எனப்படும் நிறமி செல்கள் உள்ளன.
5. வைட்டமின் ஏ குறைபாடு: பார்வைக்கு தேவைப்படும் நிறமி ரெட்டினால் (Retinol). விட்டமின் ஏ இல் இருந்த ரெட்டினால் பெறப்படுகிறது.விட்டமின் ஏ மீன், ஈரல், பப்பாளி ,கேரட் ,மஞ்சள் பூசணி ஆகிய மஞ்சள் நிற உணவுகளில் உள்ளது.