டிரம்பின் வெற்றி உரையின் போது ‘மோடி-மோடி’ என்று கோஷங்கள் எழுந்தது உண்மையா?

உண்மை என்ன?

சமீபத்தில் நடைபெற்ற அமெரிக்க அதிபர் தேர்தலில் டொனால்ட் ட்ரம்ப் இரண்டாவது முறையாக வெற்றி பெற்றார். அவர் நிகழ்த்திய வெற்றி உரையில், ட்ரம்ப் பேசுவதைத் தொடர்ந்து அங்கிருந்த மக்கள் அனைவரும் ஒருவரின் பெயரைக் கோஷமிடுவது போலவும், அந்த ஆரவாரதிற்கு பதில் அளித்த டிரம்ப், 

“அவர் ஒரு சிறந்த மனிதர் என்று எனக்குத் தெரியும், அவர் சில விஷயங்களைச் செய்ய விரும்புகிறார், அதைச் செய்ய நாங்கள் அவரை அனுமதிக்கப் போகிறோம்,” என்று பதில் அளிப்பது போலவும் வீடியோ ஒன்று பரவி வருகிறது. 

இங்கு டிரம்ப் குறிப்பிடும் மனிதர் இந்திய பிரதமர் நரேந்திர மோடி என்று சமூக வலைதளங்களில் பலர் வைரலாக பரப்பி வந்தனர். ஆனால், டிரம்ப் இங்கு குறிப்பிடுவது உண்மையில் நரேந்திர மோடி தானா?